1. Ang Ginoo dili mousab sa Iyang hunahuna ug dili molapas sa Kasabotan. Busa ang pangangkon ni Muhamad nga ‘ang Ginoo mibiya sa mga Hudiyo kay gipalabi siya, ug gisugu pa kuno siya nga poohon ang mga Hudiyo’, usa ka dakung bakak;
[Numeros 23:19] Ang Ginoo dili tawo nga mamakak gayud, o anak sa tao nga mag-usab sa hunahuna, Nagsulti ba Siya nga wala Niya lihoka? Nagsaad ba Siya nga wala Niya tumana?
[Salmo 89:34] Dili ko lapason ang akung kasabotan o usabon ang gipamulong sa akung mga ngabil.
Apan ang allah ni muhamad nag-usab ug nagwagtang sa iyahang mga pulong;
[Koran 2:106] Dili Kami magwagtang og usa ka tudling o pakalimtan kini gawas kung Kami magpatunghag lain nga mas maayo pa niini o susama niini. Wala ba kamo mahibalo nga si Allah mao ang may katakus labaw sa tanang butang?
[Koran 16:101] Ug sa higayon nga among ilisan ang usa ka tudling sa usa ka tudling – ug si Allah ang labing nasayod sa iyang gipadayag – sila moingon, “ikaw [muhammad], usa lamang ka tigmugna [sa mga bakak].” apan kadaghanan kanila wala mahibalo.
2. Ang Kasabotan ihatag lamang sa kaliwatan ni Isaak, ug dili ngadto kang Ismael nga mao’y kagikanan sa mga Arabo;
[Genesis 17:20-21] Ug mahitungud kang Ismael, gipatalinghugan Ko ikaw: Tan-awa, panalanginan ko siya, ug himoon ko siyang mabungahon, ug pagapadaghanon ko sa hilabihan gayud; napulu ug duha ka mga principe ang iyang igaanak, ug himoon ko siya nga usa ka dakung nasod. Apan ipasukad ko ang akung tugon kang Isaac, nga ianak ni Sara kanimo niining panahona sa sunod nga tuig.
3. Ang nangangkong manalagna kinahanglang dili molituk og mga ngalan sa ginoo-ginoo;
[Deuteronomio 18:20] Apan ang manalagna nga mangahas pag sulti og usa ka pulong sa akung ngalan nga wala Ko isugu kaniya, kung siya molituk og ngalan sa ginoo-ginoo, kanang manalagnaa mamatay.
Apan si muhamad milituk sa mga ngalan sa ginooginoo, nga nailhan usab isip satanasnong mga garay;
[Koran 53:19-20] Imo bang giisip ang Al-Lat, ug Al-‘Uzza (duha ka mga ginooginoo sa paganong mga Arabo). Ug si Manat (laing ginooginoo sa paganong mga Arabo), ang laing ikatulo?
[Patin-aw ni al-Jalalyn sa Koran 22:52] “. . . ang manalagna atol sa usa ka panagtapok sa kalakin-an sa Kuraysh human sa pagbatbat sa mosunod nga mga tudling gikan sa sūrat al-Najm Nakahunahuna ka ba ni Lāt ug ‘Uzzā? ug si Manāt nga ikatulo? 53:19-20 gidugang isip bunga sa pagbutang niini ni Satanas sa iyang dila nga wala niya mahibaloi . . .”
4. Si Muhammad nagatudlu sa lahing Hesus ug lahing Maayong Balita (pinaagi sa paglimud sa kamatayon sa krus ug pagkaGinoo ni Hesus) sumala sa gipahimangnu sa mga Apostoles;
[2 Corinto 11:4] Kay kung adunay moanha kaninyo og magsangyaw ug Hesus nga lahi sa Hesus nga amung giwali, o kung makadawat kamo og espiritu nga lahi sa Espiritu nga inyong nadawat, o lahi nga Maayong Balita kaysa inyong gidawat, dali ra mong makabig.
[Taga-Galacia 1:8] Apan bisan pa kung kami o usa ka anghel gikan sa langit magwali ug Maayong Balita nga supak sa among giwali kaninyo, ipatunglo siya!
5. Ang Ginoo sa mga Hudiyo mitikyup na sa Iyang basahon sa panagna. Silotan Niya sa gulpi kadtong magdugang ug magkuha sa Iyahang basahon sa panagna. Nagpasabut nga ang Koran dili gikan sa Ginoo, ug si Muhamad usa ka tig-paaron-ingnong sugu nga pagasilotan sa Ginoo sa hilabihan;
[Pinadayag 22:18-19] Ako mopamatuod sa tanan nga makadungog sa mga pulong sa panagna niini nga basahon: Kung adunay modugang niini, ang Ginoo magadugang kaniya sa mga hampak nga gihulagway niini nga basahon. Ug kung adunay mokuha gikan sa mga pulong niini nga basahon sa panagna, ang Ginoo makuha sa iyang bahin sa kahoy sa kinabuhi ug sa balaang dakbayan, nga gihulagway niini nga basahon.
∼ο∼
ALSO READ: Ganahan si Muhammad og Kaputli, unsa kining maong kaputli?