Sa unsang paagi gihimaya o gibayaw sa Amahan ug sa Anak ang usa’g usa? Ang Anak naghimaya sa Amahan pinaagi sa pagsulti ngadto sa mga tawo nga ang Amahan nagpadala kaniya, nga ang Amahan labaw pa kaniya (Juan 14:28). Si Hesus nag-ampo usab sa Amahan samtang ang mga tawo nagtan-aw kaniya. Sa pikas habig, ang Amahan naghimaya sa Anak pinaagi sa pagpahayag nga si Hesus Iyang hinigugmang anak gikan mismo sa langit atubangan (Marcos 1:11) sa mga tao. Daghan ang nakasaksi sa maong hitabu ug nakadungug sa tingog sa Amahan. Gitawag usab niya si Hesus nga Diyos sa Balaang Kasulatan (Salmo 45:6-7 & Hebreohanon 1:8-9). Sa ubus mao ang mga tudling sa Bibliya bahin sa paghimaya sa Ginoo;
Kinutlu gikan sa Daang Tugon
1. [Isaias 25:1] Oh Jehova, ikaw mao ang akong Dios; ibayaw ko ikaw, pagdayegon ko ang imong ngalan; kay nakahimo ka ug mga butang nga katingalahan, ang imong mga pagtambag sa karaang panahon, sa pagkamatinumanon ug sa kamatuoran.
2. [Isaias 60:9] Sa pagkamatuod ang mga pulo mohulat kanako, ug ang mga sakayan sa Tarsis mouna, aron sa pagdala sa imong mga anak nga lalake gikan sa halayo, ang ilang salapi ug ang ilang bulawan uban kanila, alang sa ngalan ni Jehova, nga imong Dios, ug alang sa Balaan sa Israel, tungod kay siya naghimaya kanimo.
3. [Salmo 34:3] Himayaa si Jehova uban kanako; magdungan ta sa pagbayaw sa iyang ngalan.
4. [Salmo 45:6-7] Ang imong trono, O Dios, molungtad hangtod sa kahangtoran, ug ang hustisya mao ang setro sa imong gingharian. Gihigugma mo ang pagkamatarung ug gidumtan mo ang pagkadautan; busa Dios, ang imong Dios, midihog kanimo labaw sa imong mga kauban sa lana sa kalipay.
5. [Salmo 50:15] Ug tawga ako sa adlaw sa kasamok: Ako magaluwas kanimo, ug ikaw maghimaya kanako.
6. [Salmo 69:30] Daygon ko ang ngalan sa Diyos sa awit ug himayaon ko siya uban ang pagpasalamat.
7. [Salmo 86:12] Pagadayegon ko ikaw, Oh Ginoo nga Dios ko, uban sa bug-os ko nga kasingkasing; Ug himayaon ko ang imong ngalan sa walay katapusan.
Kinutlu gikan sa Bag-ong Tugon
1. [Mateo 3:16-17] Sa dihang si Jesus nabunyagan, siya mikawas gikan sa tubig. Niadtong higayona naabli ang langit, ug nakita niya ang Espiritu sa Dios nga mikunsad sama sa salampati ug mitugdon kaniya. Ug usa ka tingog gikan sa langit miingon, ‘Kini mao ang akong Anak, nga akong gihigugma; kaniya ako nalipay pag-ayo.’
2. [Lucas 3:22] ug mikunsad kaniya ang Espiritu Santo sa dagway nga lawasnon sama sa salampati. Ug may usa ka tingog nga naggikan sa langit: “Ikaw mao ang akong Anak, nga akong gihigugma; kanimo nalipay ako pag-ayo
3. [Marcos 1:11] Ug may usa ka tingog nga naggikan sa langit: “Ikaw mao ang akong Anak, nga akong gihigugma; kanimo nalipay ako pag-ayo.”
4. [Juan 7:18] Kadtong nagsulti sa ilang kaugalingon nangita sa ilang kaugalingong himaya; Apan ang nangita sa himaya sa nagpadala kaniya tinuod, ug walay bakak diha kaniya.
5. [Juan 7:39] Gisulti niya kini sa paghisgot sa Espiritu nga pagadawaton niadtong mituo kaniya. Siyempre, wala pay Espiritu, tungod kay si Jesus wala pa mahimaya.
6. [Juan 8:50] Wala ko mangita sa Akong kaugalingong himaya. Adunay Usa nga nangita niini, ug Siya mao ang Maghuhukom
7. [Juan 8:54] Si Jesus mitubag, “Kon ako maghimaya sa akong kaugalingon, ang akong himaya walay kapuslanan. Ang akong Amahan, nga inyong giangkon nga inyong Dios, mao ang naghimaya kanako.
8. [Juan 12:28] Amahan, himayaa ang Imong ngalan!” Unya may tingog gikan sa langit nga nag-ingon: “Gihimaya ko na kini, ug paghimayaon ko kini pag-usab.”
9. [Juan 13:31-32] Busa sa nakagula na siya, si Jesus miingon, “Karon ang Anak sa Tawo paghimayaon, ug ang Dios pagahimayaon diha kaniya; kon ang Dios pagahimayaon diha Kaniya, ang Dios usab maghimaya Kaniya diha sa Iyang kaugalingon, ug maghimaya Kaniya dihadiha.
10. [Juan 15:7-8] “Kon kamo magpabilin Kanako, ug ang Akong mga pulong magpabilin kaninyo, pangayo sa bisan unsa nga inyong gusto, ug kini mahimo alang kaninyo. “Ang akong Amahan mahimaya pinaagi niini, nga kamo mamunga’g daghan, ug sa ingon mahimong Akong mga tinun-an.
11. [Juan 16:14] Himayaon niya ako tungod kay gikan kanako makadawat siya sa iyang ipahibalo kaninyo.
12. [Juan 17:1] Human kini isulti ni Jesus, siya mihangad sa langit ug nag-ampo: “Amahan, ang takna miabot na. Himayaa ang imong Anak, aron ang imong Anak maghimaya kanimo.
13. [Juan 17:4-5] “Ako naghimaya Kanimo dinhi sa yuta, nga nakatuman sa buhat nga Imong gitahas Kanako nga pagabuhaton. “Karon, Amahan, himayaa Ako uban sa imong kaugalingon, sa himaya nga akong nabatonan uban Kanimo sa wala pa ang kalibutan.
14. [Mga Buhat 3:13] Ang Dios ni Abraham, Isaac, ug Jacob, ang Dios sa atong mga amahan, naghimaya sa Iyang alagad nga si Jesus.
15. [Hebreohanon 1:8-9] Apan mahitungod sa Anak miingon siya, “Ang imong trono O Dios, molungtad hangtod sa kahangtoran; ang setro sa hustisya mao ang setro sa imong gingharian. Gihigugma mo ang pagkamatarung ug gidumtan mo ang pagkadautan; busa Dios, ang imong Dios, nagbutang kanimo labaw sa imong mga kauban pinaagi sa imong pagdihog sa lana sa kalipay.”
16. [ 2 Pedro 1:17-18] Siya nakadawat ug dungog ug himaya gikan sa Dios nga Amahan sa diha nga ang tingog miabut kaniya gikan sa Halangdon nga Himaya, nga nag-ingon, “Kini mao ang akong Anak, nga akong gihigugma; kaniya ako nalipay pag-ayo.” Kami mismo nakadungog niining tingoga nga gikan sa langit sa dihang kauban namo siya sa balaang bukid.
∼ο∼
BASAHA UPUD: Ang kaluwasan maggikan sa mga Hudiyo